Áhrif sjúkdóma á lífslíkur
geta verið mismunandi á ólíkum
lífskeiðum hvalanna og einnig við mismunandi
þéttleika í hvalastofnum. Ungir hvalir
geta verið viðkvæmari fyrir sýkingum
en þeir eldri sem hafa komist í snertingu við
fleiri sjúkdómsvalda og hafa þar af
leiðandi þroskaðri ónæmissvörun.
Fæðuframboð og þar með næringarástand
hvalanna sveiflast m.a. með þéttleika í
hvalastofnum og geta haft áhrif á mótstöðu
einstaklinganna við sjúkdómum.Breytingar
á stofnstærð eða aldurssamsetningu
í kjölfar hvalveiða þar sem sóknin
beinist að ákveðnu aldursskeiði getur
því valdið breytingum á náttúrulegri
dánartíðni.
Lítið er vitað um heilsufar hrefnu. Engin
sníkjudýr, örverur eða aðskotaefni
eru þekkt sem hugsanlega geta stuðlað að
minni frjósemi eða dregið úr lífslíkum.
Markmið rannsóknarinnar er því í
fyrstu að kanna hugsanlega sjúkdómsvalda
í hrefnu hér við land með alhliða
athugun á meinafræði,
sníkjudýrum og
mengunarefnum.
Til baka
|