Upplýsingar um orkubúskap segja til um orku/hitaeiningaþörf
hvalanna. Fæðunám hrefnu er líkt
og annara reyðarhvala talið vera mjög árstíðabundið.
Megnið af ársneyslu hvalanna fer fram á
svalari og næringarríkari svæðum
á sumrin. Á veturna er talið að þeir
dvelji á hlýrri svæðum við burð,
umönnun kálfa og mökun og éti lítið
á meðan. Næringarástand hrefnunnar
er því líklega mjög árstíðabundið.
Með því að fylgjast með forðasöfnun
í formi fitu (næringarástand) frá
því hún kemur mögur inn á
íslensk hafsvæði á vorin og þar
til hún fer á haustin og bæta við
þeirri orku sem ætla má að fari í
vöxt og viðhald má meta orkuþörf
dýranna. Rannsóknir á orkubúskap
langreyðar hér við land á árunum
1986-1989 sýndu fram á mikinn mun eftir kyni
og æxlunarstigi. Þannig jókst orkuinnihald
líkama þungaðra kúa um 80% yfir
sumarið, en samsvarandi tala fyrir ókynþroska
dýr var 30%. Samsvarandi rannsóknir hafa ekki
verið gerðar á hrefnu.
Næringarástand - Fylgst er
með næringarástandi hvalanna frá
vori til hausts með því að mæla
ummál á 5 stöðum og spikþykkt
á 18 stöðum á líkama dýranna.
Umfang lausrar fitu (mör) í líkamsholi
er einnig mælt. Orkuinnihaldí spiki, kjöti
og fleiri líffærum er mælt með efnagreiningum.
Upplýsingarnar eru notaðar til að meta uppsöfnun
orkuforða yfir fæðutímabilið. Árstíðabreytileiki
á fjölda og dreifingu hrefnu.
Til baka
|