Tegundasamsetning fæðunnar á mismunandi
svæðum og ársímum gefur upplýsingar
um hlutfallslegt vægi hverrar ráðar og
er því lykilatriði í fjölstofnarannsóknum.
Nokkrar aðferðir til að meta samsetningu fæðunnar
verða notaðar og niðurstöður þeirra
bornar saman.
Magainnihald - Greining á innihaldi
meltingarfæra er sú aðferð sem mest
hefur verið notuð til að greina fæðusamsetningu
í vistfræðirannsóknum. Ómelt
fæða er tekin úr maga, greind til tegunda
og stærð og aldur fæðutegunda metin.
Ef fæðan er mikið melt, má oft engu
að síður greina tegundir út frá
útliti kvarna, eða annarra tormeltanlegra fæðuleifa,
t.d. klóm smokkfiska. Lengd kvarnanna og árhringir
segja einnig til um upprunalega stærð og aldur
fiska.
Helstu kostir aðferðainnar er að hægt
er að greina bráðina til tegunda og meta
aldur og stærð hennar með nokkurri vissu.
Hún gefur því mun nákvæmari
mynd af fæðusamsetningunni en aðrar aðferðir,
og hægt er að bakreikna samsetningu síðustu
máltíðar þótt fæðan
sé melt. Einnig fást með þessari
aðferð upplýsingar um stærð máltíða
og tímasetningu fæðunáms. Þessi
aðferð gefur hins vegar einungis upplýsingar
um fæðu stuttu áður en dýrið
var veitt. Einnig er hugsanlegt að auðmelt fæða
fari fljótar í gegnum meltingarveginn og verði
þar af leiðandi vanmetin.
Fitusýrusamsetning í spiki og blóði
- Fitusýrur í spiki sjávarspendýra
eru af sumum taldar endurspegla fitusýrur í
þeim lífverum sem þau lifa á.
Þar af leiðandi sé nægjanlegt að
efnagreina fitusýrur spiksins til að afla vitneskju
um samsetningu fæðunnar. Jafnvel er talið
að sýni úr ysta lagi spiksins sé
nægjanlegt og því bjóði aðferðin
upp á sýnatöku án þess að
dýrið sé aflífað.
Ágæti aðferðarinnar er umdeilt og
niðurstöður takmarkaðra rannsókna
af þessu tagi hafa ýmist sýnt jákvæð
tengsl eða engin. Sennilegt er talið að ef einhver
tengsl er að finna milli spiksins og fæðunnar
sé þau helst að merkja í innstu
spiklögunum. Ef aðferðin reynist nothæf
eru helstu kostir hennar þeir að hún krefst
ekki aflífunar dýra og að niðurstöðurnar
endurspegla fæðuval undanfarinna daga eða
vikna í stað einnar máltíðar
með athugunum á magainnihaldi. Helstu ókostir
eru að aðferðin gefur í besta falli grófa
mynd af fæðusamsetningunni og ómögulegt
er að greina hlufallslegt vægi mismunandi fæðutegunda.
Ef fæðan er mjög fjölbreytt er einnig
líklegt að erfitt sé að ákvarða
fæðuna. Aðferðin byggir á því
að fyrir liggi þekking á fitusýrusamsetningu
allra hugsanlegra fæðutegunda, og krefst því
umtalsverðra rannsókna á öðrum
lífverum.Við framkvæmd rannsóknarinnar
verða teknir heilir spikkjarnar frá húð
inn að vöðva. Sýni úr innsta,
mið og ysta lagi kjarnarns verða fitusýrugreind.
Fitusýrur í blóði, sem væntanlega
endurspegla nýlega fæðu, verða einnig
greindar. Niðurstöður verða bornar saman
við fitusýrusamsetningu líklegra fæðutegunda.
Hlutfall ísótópa í
húð og blóði Hlutföll
köfnunarefnis- og kolefnissamsæta (ísótópa)
í vefjum lífvera ráðast af fæðunni.
Hlutföll köfnunarefnissamsæta (15N/14N )
breytist eftir því sem ofar dregur í
fæðukeðjunni. Með samanburði á
hlutfalli þessara samsæta í vefjum lífvera
er hægt að ákvarða stöðu þeirra
í fæðukeðjunni og þar með
meta helstu fæðutegundir.
Hlutföll kolefnissamsæta (13C/12C
) haldast óbreytt milli fæðuþrepa.
Þau eru hins vegar frábrugðin á
mismunandi svæðum og því geta upplýsingar
um kolefnissamsætuhlutföllin gefið vitneskju
um uppruna fæðunnar. Ef hvalir eru ólíkir
öllum lífverum á sýnatökusvæðinu
má leiða líkur að því
að þeir hafi aflað fæðunnar á
öðru svæði. Ef fæða hvalanna
samanstendur af farfiskum sem hafa hlutföll frábrugðin
staðbundnum fiskum á svæðinu ætti
að vera auðvelt að rekja fæðutengslin.
Kostir samsætuaðferðarinnar er að líkt
og með fitusýrurnar gefur hún upplýsingar
um fæðu yfir lengra tímabil en greining
á magainnihaldi. og að ekki er nauðsynlegt
að aflífa dýrið því lítið
húðsýni er nægjanlegt til rannsóknanna.
Helsti annmarki aðferðarinnar er hins vegar að
hún gefur einungis mjög grófa mynd af
fæðusamsetningunni (fæðuþrep í
vistkerfinu) og nýtast niðurstöðurnar
því að mjög takmörkuðu leyti
í fjölstofnalíkan af því
tagi sem hér um ræðir. Hins vegar er aðferðin
gagnleg til samanburðar við niðurstöður
á greiningu magainnihalds.
Við framkvæmd rannsóknarinnar eru tekin
húðsýni og hlutföll samsætna
fendin með greiningu í massagreini. Athuganir
á blóði sem væntanlega endurspegla
nýlega fæðu verða einnig unnin til
samanburðar á hluta hvalanna. Niðurstöður
verða bornar saman við líklegar fæðutegundir
á veiðisvæðinu.
Þvagrannsóknir - Upplýsingar
um vatns- og saltbúskap dýranna og samsetning
jóna í þvagi geta gefið upplýsingar
um fæðumagn og fæðusamsetningu. Niðurstöður
þvagrannsókna verða því bornar
saman við niðurstöður annara fæðurannsóknaaðferða.
Til baka |